الشتايم بين الشباب
بقت ظاهرة موجودة فى مجتمعنا نلاقي الشباب فى اى سن وفى اى وقت بيشتموا شتايم بذيئة مش بس فى الخناقات فى الهظار كمان
نلاقي الشاب يشتم صاحبه بابوه وامه وبأقذر الكلمات وصوتهم عالى جدا وبيضحكوا وكأنوا بقى حاجة عاديه جدا
ازاى يرضي انسان بان ابوه وامه يتشتموا كده وهو يضحك وكان شئ لم يكن
وازاي تخرج من لسانه الالفاظ دي
الالفاظ دي كانت بتخص فئة من الناس وفى الشوارع بس دلوقتى بقت بين الطلاب فى المدارس وفى الجامعة
هو الشاب لما بيشتم و يخدش حياء الناس بالالفاظ دي بيحس برجولته مثلا
اظن موضوع لا يرضي عقل ولا دين
فين الرجولة و الشهامه و الكرامة
بجد بنتحط فى مواقف محرجه جدا لما ابقى ماشيه مع اصحابي البنات او مع اخويا او بابا او ماما ونسمع الفاظ زي دي وشنا بيجيب الوان ماحدش بيراعي ابدا ان فى بنت ماشيه ممكن تجرحها او اطفال ممكن يرددوا الكلام ده من غير مايفهموه
ده غير انها حاجة مستفزة جدا تلاقى الشاب بيتشتم بامه وابوه وواقف يضحك ويهزر ويرد عليه بشتايم اوقح
ده غير الخناقات واللى بنسمعه فيها بجد بنتحط فى مواقف زي الزفت ليه بقى كل الشباب كده
عايزة اسمع ردودكوا وبليز مش عايزة كل واحد يدخل يقلى انا مابعملش كده ليه كل واحد مايراعيش غيره اللى فى الشارع او اللى قاعدين معاه فى اى مكان
الأربعاء 07 يوليو 2010, 3:58 pm
